І ад хутара да вёскі мову родную жабрую, за вясьнякі праўлю косы, за быліцы ладжу збрую... |
Дарога полем - да маці. Дарога лугам - да бацькі. Дарога рэчкай - да любай. Але І полем, і лугам, і рэчкай Іду заўжды да Радзімы. |
Радзіма пачынаецца з жанчыны. Я гэта адчуваў, а зразумець Яшчэ ня мог - дзіцём шчапаў лучыну, Каб хворую матулю адагрэць. |
Было мне такое сьненьне: Дзьве маці дзялілі сьлёзы па сыне, Што на чужыне ў жаўнерах. Дзьве маці ў аднога сына... І былі яны такія родныя - Мая маці Марыя І мая маці Радзіма. |
Сьветлая вымавіць: Я - Марыя, З твару змахне змаршчынкі І бедаку, як душу, раскрые Дзьверы сваёй хацінкі. Зёлак настоіць на першым сьнезе, Нанач яго напоіць, Скура, як з вужа, зь нябогі зьлезе, Згіне з душы нябогасьць. Любы мой, - скажа яму Марыя - Шчасьце тваё ў пакутах. |
Як па зорках, па расе Твой апошні шлях праляжа, Памірай, а жыта сей. Рунь пра сейбіта раскажа. |
Не абразы, а змучаныя твары Крыніцы адбівалі, а Дняпро Цягнуў, як баржы, д'яблавыя хмары - Трымцелі жылы і цяжэла кроў. |
Шчымелі крылы у палескіх птушак, Балелі рукі ў тутэйшых баб, І чорным цьветам расьцьвіталі йгрушы Атрутным сокам наліваўся сад. |
У гэтай краіне ня маю я дому, Вось воблака - сяду і ў сьвет палячу Над гэтай гаморай, над гэтым садомам, Ні грошай, ні славы - я волі хачу. |
У гэтай краіне ня маю я долі, Вось посах і торба, і сотні дарог. Па долю пайду. Не вярнуся ніколі. Няхай мяне судзяць хоць людзі, хоць Бог. |
Што ні дрэва - балючы вобраз, Што ні зорка - сьляза з вачэй, Поле шчырасьцю апячэ... Прарастае з-пад сэрца колас. |
Зноў прыляціць гайня, Выйдзе зь яе плюгавы. Дух - гэта, людзі, Я! Скажа, а сам з рагамі. Людзі разявяць рот - Як-жа, такія словы: "З намі - увесь народ" "Шлях да адзінай мовы!" |
Дзьмухаўцамі ўміралі поўні, Толькі голас стагнаў пра выйсьце: "Ну хоць хтосьці вяртаньне помніць да Радзімы спрадвечных ісьцін?" |
Там цьвітуць лугі ў пастаралях, Там чакаюць нас дзьве жанчыны: Маці ў сумных сваіх каралях І Айчына. |
Марна ўсё. Як калінавы цьвет Зьнішчыць сьвет і багоў, і сьмяротных, Не пакінуўшы ў космасе сьлед Ад мяне і зямелькі гаротнай. |
О сьвятая мая, о Боская, Хаця сэрца сьніць гостры нож, Ад цябе адной не адрокся я - У нагох тваіх - медны грош. |
Гэта лёс. Вы ня верце, што гэта стыхія. Пэўна-ж, трэба камусьці Каб пачулі глухія, відушчымі сталі сьляпыя Дый убачылі - зоркі ўзыходзяць Вось і ўсё - маланка ля скроні шугае. Перадайце наступніку: хай у народзе сваім Праз стагодзьдзе зімы, на Сьвята мой твар адшукае, І мы - вочы ў вочы шчасьлівыя - |