Газэта "БЕЛАРУС" надрукуе бясплатна кароткія прыватныя аб'явы некамэрцыйнага характару. Таксама зьмесьцім віншаваньні, запрашэньні, спачуваньні ды іншыя абвесткі. Наконт разьмяшчэньня рэклямы кантактуйце рэдакцыю.

"ДАР САКАВІКА" ЗАКЛІК РАДЫ БЕЛАРУСКАЙ НАРОДНАЙ РЭСПУБЛІКІ Дарагія Суродзічы! Штогоду напярэдадні ўгодкаў абвешчаньня незалежнасьці БНР Актам 25 Сакавіка Рада БНР зьвяртаецца да беларускага грамадзтва з заклікам скласьці пасільную суму ў фонд "Дар Сакавіка". Ахвяраваньні ў фонд "Дар Сакавіка" даюць магчымасьць Радзе БНР праводзіць у жыцьцё ідэю незалежнасьці Беларусі ды абарону ейнае дзяржаўнасьці. Сёньня, як ніколі дасюль, справа абароны Бацькаўшчыны патрабуе ўсіх нашых намаганьняў. Калі ласка, вазьмеце ўдзел у гэтым высакародным змаганьні праз пасільнае ахвяраваньне ў фонд "Дар Сакавіка". Прадстаўнікі фонду ў большых асяродках маюць падпісныя лісты. Просім зьвяртацца да іх. А калі хто ня зможа сустрэць такога прадстаўніка, просім пераслаць ахвяраваньне беспасярэдне скарбніку Рады БНР. Чэкі выпісвайце толькі на імя скарбніка: Vitaly Kazan і дасылайце на адрас: Vitaly Kazan 29 Pennington-Lawr. Rd. Pennington, NJ 08534 РАДА БНР

СЬВЯТКАВАНЬНЕ Аддзел Беларуска-Амэрыканскага Задзіночаньня ў Нью Ерку ладзіць сьвяткаваньне 85-х УГОДКАЎ абвешчаньня незалежнасьці БЕЛАРУСКАЙ НАРОДНАЙ РЭСПУБЛІКІ. Імпрэза пачнецца 16-га сакавіка 2003-га году а 2-й гадзіне папаўдні ў залі Ўкраінскага Дому на Мангэтане па адрасу: 140 Second Ave, New York, NY Кошт квіткоў $35 (уключае канцэрт і абед), сем'ям зь дзецьмі будзе зьніжка. Аплату дасылайце скарбніку на адрас: Valeri Dvornik 172 Millspring Rd. Manhasset, N.Y. 11030 Чэкі выпісвайце на Belarusan American Association. Інфармацыя па тэлефону: (516) 627-6491.

Сп. ЛЯВОН ЮРЭВІЧ, шырака ведамы праз дзесяткі сваіх твораў-кнігаў як на эміграцыі гэтак і ў Беларусі, быў прыняты ў сябры Беларускага ПЭН-клюбу, міжнароднае пісьменьніцкае суполкі. ШЧЫРА ВІНШУЕМ!

Шаноўныя чытачы! Прайшоў год, як нашая газэта аднавіла свой выхад. Разам з гэтым шмат у каго падыйшоў час працягнуць падпіску на наступны год. Калі ласка, дасылайце аплату цяпер, не адкладаючы на потым, каб не забыцца. Нам патрэбная Вашая падтрымка!