Выданьне Беларускага Інстытуту Навукі й Мастацтва. Кніга пра жыцьцё ў беларускіх лягерох ДыПі ў Рэгенсбургу й Міхэльсдорфе, пра вучобу ў Беларускай гімназіі ймя Янкі Купалы, скаўтынг, выезд "адзінаццаткі" ў Ангельшчыну, часапіс "Наперад!", унівэрсытэцкую навуку ў Лювэне, канцэртную дзейнасьць ансамблю М. Равенскага. Падаюцца дзёньнікавыя запісы, мастацкія творы з "Напераду", ліставаньне з настаўнікамі й сябрамі, запаветы старэйшых малодшым. У эпілёгу расказваецца пра далейшы лёс кожнага з Дванаццаткі.

У кнізе - 510 ст., 73 ілюстрацыі, паказьнік прозьвішчаў, цьвёрдая вокладка. Цана: 25 дал. (зь перасылкаю), 20 дал. безь перасылкі. Замовы пасылайце на адрас БІНіМ:

V. Kipel, 1797 Buttonwood Ave., Toms River, NJ 08755

або аўтару

J. Zaprudnik, 42 Deerfield Rd., Somerset, NJ 08873.

Кніга друкавалася ў Беластоку. У ЗША знаходзіцца тымчасам абмежаная колькасьць асобнікаў.

Калі Вы хочаце набыць беларускі пераклад БІБЛІІ для сваіх знаёмых ці сваякоў у БЕЛАРУСІ, калі ласка, зьвяртайцеся да СЯРГЕЯ СЕМУХІ.

Тэлефон ў Менску 8-029-613-1379,

электронная пошта: serdgio_sema@mail.ru

Віншуем вельмі паважанага

Др. ЯЗЭПА САЖЫЧА, грамадзка-палітычнага дзеяча, перадапошняга Прэзыдэнта БНР, нястомнага змагара за вольную Беларусь з 85-мі ўгодкамі жыцьця. Жадаем здароў'я й памыснасьці ў далейшых гадох.

Віншуем шаноўную сп-ню МАРЫЮ КАЖУРА з 80-мі ўгодкамі зь дня народжаньня. Жадаем моцнага здароў'я і ўсяго самага найлепшага.

У жніўні споўнілася 10 гадоў зь дня сьмерці ПЕТРЫ КАЖУРЫ, ахвярнага беларускага грамадзкага і царкоўнага працаўніка, аднаго з заснавальнікаў царквы Жыровіцкае Божае Маці ў Гайленд Парку, кіраўніка парафіяльнае рады.

Нядаўна выйшла з друку новая кніга дасьледчыка Лявона Юрэвіча "ЛІТАРАТУРНЫ РУХ НА ЭМІГРАЦЫІ" (Менск, 2002).

На 230-ці бачынах - агульная карціна эміграцыйнай літаратуры, постаці аўтараў, невядомыя факты, унікальныя здымкі. Кніга зьмяшчае кароткія біяграмы пісьменьнікаў, створаныя рэдактарам А. Гардзіенкам.

Набыць кнігу можна зьвярнуўшыся непасрэдна да рэдактара:

Алег Гардзіенка

вул. Казінца 51/5, 8

220099 г. Менск

БЕЛАРУСЬ

электронная пошта: hardzijenka@tut.by

Тэлефон у Менску: 375 (17) 277-40-63

Прыносім прабачэньне за недакладнасьці, якія былі ў папярэднім нумары "Беларуса" ў аб'яве аб 25-й Сустрэчы Беларусаў Паўночнай Амэрыкі на 1-й бач.

У тым самым нумары ў артыкуле пра ІІІ-ю Канфэрэнцыя Беларусаў Балтыі на 2-й бач. Івонка Сурвілла дзякуе сп-ву Сяргея Харэўскага і Тані Маркавец, а не Лявона Харэўскага, як было памылкова напісана.

ДВАНАЦЦАТКА