Газэта "БЕЛАРУС" надрукуе бясплатна кароткія прыватныя аб'явы некамэрцыйнага характару. Таксама зьмесьцім віншаваньні, запрашэньні, спачуваньні ды іншыя абвесткі. Наконт разьмяшчэньня рэклямы кантактуйце рэдакцыю.

наведайце КАНЦЭРТ маладзёвага хору "КРЫНІЧКА" зь Менску Гэты калектыў быў заснаваны ў 1986-м годзе. Узрост удзельнікаў ад 14 да 25 гадоў. У рэпэртуары беларускія народныя, клясычныя, духоўныя, а таксама сучасныя песьні. Прыбытак ад канцэртаў "КРЫНІЧКІ" ў ЗША пайдзе на дапамогу дзецям-ахвярам Чарнобылю.Канцэрты хору адбудуцца: - 1-га лютага ў залі Сабору Сьв. К. Тураўскага на 401 Atlantic Ave. ў Брукліне; - 7-га лютага ў Беларускім Грамадзка-Культурным Цэнтры на Whitehead Ave ў Саўт Рывэры, Нью Джэрзі.

ПАТРЭБНЫЯ ПЕРАКЛАДЧЫКІ Ахвочыя працаваць беларуска-расейска-ангельскімі перакладчыкамі зьвяртайцеся па інфармацыю да Алесі Сёмухі па тэлефоне (703) 534-4089 або праз Е-мэйл: asemukha@yahoo.com Кандыдаты мусяць мець дазвол на працу.

ПРЫВАТНЫЯ АБВЕСТКІ Шукаю зьвесткі пра лёс беларускіх дзеячоў: ВАСІЛЯ ВІРА, які ў пачатку 90-х жыў у Чыкага, быў сябрам мясцовай уніяцкай парафіі, пісаў допісы ў "Беларус", і КАСТУСЯ СТАНЮША, які ў пачатку 50-х гадоў жыў у Таронта. Просьба інфармацыю дасылаць у рэдакцыю "Беларуса". Сяргей Ерш * * * Шукаю фундатараў і мэнаджэраў для выданьня кнігі ўласных вершаў. Уладзіслаў Жыгалка Тэлефон у Менску: (8217) 221-2181 * * * Малады беларус, высокі, спартыўны, шукае сабе жонку, можна іншаземку, добра, калі высокую бляндынку (ня менш за 183 см!), зь веданьнем замежных моваў. Пісаць на адрас: Slava, п/с 461, 220050 г. Менск, BELARUS