Ангельскі друк пра Беларусь
З нагоды саміту НАТО ў
Празе ў лістападзе 2002-га
году, на які А. Лукашэнку
не дапусьцілі, брытанскія газэты
шмат пісалі пра Беларусь. Усе артыкулы
былі крытычныя і поўныя
нараканьняў. Газэта "Guardian" ад
16.11.2002 у артыкуле пад назваю
"Эўразьвяз забараняе ўезд у Эўропу
для аўтарытарнага правадыра
Беларусі", у якім гаварылася пра
магчымасьць забароны ўезду ў
Эўропу А. Лукашэнку і пяцідзесяці ягоным памочнікам. Як ведама,
да таго часу забароне да ўезду
ў ЭЗ падлягалі Слабадан Мілошавіч і ягоныя службоўцы. Цяпер
такая забарона датычыцца яшчэ і
прэзыдэнта Зімбабве Робэрта Мугабэ.
Думаю, усе ведаюць, чаму
на гэтых асобаў накладзеныя
такія абмежаваньні.
Такая забарона была-б пратэстам
Лукашэнку за ягоны перасьлед
апазыцыі й свабоды слова.
Для АБСЭ гэта было-б адплатаю
за выгнаньне зь Беларусі ейных
наглядальнікаў, якія скрытыкавалі
прэзыдэнцкія выбары ў 2001-м
годзе і назвалі іх падробнымі.
Фінансавая газэта "Financial
Times" ад 16.11.2002 пад загалоўкам "НАТО закрывае дзьверы
для непажаданых гасьцей" пісала
аб кіраўніках Беларусі й Украіны.
На саміце ў Празе не хацелі бачыць ні аднаго, ні другога. Адносна
А. Лукашэнкі чэскі міністар замежных
справаў сказаў, што ягоная
заяўка на візу будзе адкінутая,
бо Беларусь не паважае правы чалавека,
і прыезд А. Лукашэнкі на
саміт будзе выкарыстаны ім для
ўмацаваньня свайго становішча ў
Беларусі. Справа прысутнасьці А.
Лукашэнкі і Л. Кучмы на саміце
была трохі скамплікаваная, бо
яны мелі права там быць.
Яшчэ ў адной ангельскай газэце
"The Times" ад 16.11.2002 было
аж два артыкулы пра Беларусь.
Першы апавядае пра намер Эўрапейскага
Зьвязу забараніць беларускім урадоўцам уезд у Эўропу.
А другі, названы "Сапраўдная
падтрымка на радзіме для кішэннага
Сталіна, які апынуўся ў нерэальным,
скажоным сьвеце". Цэлы
артыкул апісвае А. Лукашэнку і
пералічвае ўсе ягоныя недахопы.
Пералічу толькі некаторыя зь іх.
Аўтар артыкулу Роджэр Бойс
ўспамінае двух беларускіх журналістаў, якія апынуліся за кратамі за напісаньне артыкулу, у якім
спрабавалі разгадаць "таямніцу
зьнікненьня апанэнтаў Лукашэнкі". Успамінаецца пра будаўніцтва
дарогі праз месца пахаваньня ахвяраў сталінскіх рэпрэсыяў. Сп.
Бойс не абмінае і "эскадронаў
сьмерці", мэтаю якіх было "пазбыцца
крытыкаў".
У артыкуле згадагая гісторыя з
фільмам рэжысэра Ю. Хашчавацкага
"Звычайны прэзыдэнт". Бедны
Хашчавацкі шмат пацярпеў за
гэты фільм: "адведалі" яго няпрошаныя
маладыя людзі, якія паламалі яму нагу. Аўтар артыкула ня
піша, ці знайшлі й пакаралі вінаватых
таго бандыцкага нападу.
Сьпіс закідаў Лукашэнку досыць
доўні й прыкры, і ня хочацца
тут яго поўнасьцю ўспамінаць і
перакладаць на беларускую мову.
У канцы артыкула аўтар піша,
што імыдж Лукашэнкі як "чалавека
з народа" выпарыўся".
Міхась ШВЭДЗЮК