У часе паседжаньня ў Жэневе чарговай 59-й сэсыі камісыі ААН па правох чалавека, прадстаўнік ад Беларусі, Уладзімер Малевіч, заявіў, што галоўны паказьнік дэмакратычнага грамадзтва - гэта свабода апініі. Насамрэч, урады нават з глыбокай традыцыяй дэмакратыі аста парушаюць гэтае права. Найбольш красамоўны прыклад гэткіх парушэньняў сп. Малевіч бачыць у ЗША, калысцы дэмакратыі.

Паводле беларускага чыноўніка, ЗША парушаюць права на свабоду апініі ў выпадку з вайною ў Іраку, не дакладна інфармуючы насельніцтва пра сытуацыю, што і прывяло да трагедыі. У якасьці доказу спадар Малевіч спасылаецца на заявы незалежнага друку пра гэта (незразумела чыйго незалежнага друку).

У той-жа час у Беларусі сп. Малевіч бачыць поўны парадак з дакладным інфармаваньнем насельніцтва, бо-ж у Беларус і ёсьць канстытуцыйныя гарантыі на права выказваньня і свабоды прэсы. Нават і болей таго, пераважная бальшыня мас-мэдыяў у Беларусі - недзяржаўныя, што і паказвае на незалежнасьць прэсы.