Гды бы жид жида на смерть забил, ранил або избил, тогды о том суд и сказанье промежку них маеть были чинено водлуг прав и привильев их. А естли бы шляхтич забил жида, а был бы поймай на горячом учинку, тогды маеть горлом были каран, але вжо головщина плачона не будеть. А так же се маеть разумети и о розбою, а шкоды при забитью албо розбои вделаные в маетности того забойцы або разбойника за доводом плачоны были мають. Гды бы шляхтич водлуг артыкулов вышшых в сем статуте описаных, поконан в том был, также и о неоселой шляхте, которые никому не служачи, а толко костырством а пъянством бавятся, а таковый учинок пополнили, иж таковой же вине, яко и тые, которые на горячом учинку будуть поймани, подлегають. А если бы который шляхтич неумысльне с пригоды таковы учинок пополнивши утек, тот, будучи з оселости до суду належного позван, за переводом правным того такого учинку горла не тратить, але гды присягнеть, иж неумысльне забил, толко головщину, а за раны навезку за доводом правным яко шляхтичу платили маеть. А где бы се тое забойство жиду от християнина стану простого чоловека стало, тот, хотя бы на горячом учинку не был поймай, але до права своего, под которым седети будеть, притягнен будучи, за переводом правным горлом каран были маеть. А естли бы ранил так, ижбы раны значные и шкодливые битые або крвавые были, тогды за то навезку маеть платили яко шляхтичу водле статуту. А если бы тот был так убогий, ижбы не мел чим навезки платили, тогды за то везеньем каран были маеть водле их привилья, а барверу предсе за лекарство заплатили. А за менший бой так же седеньем через колько дней водле узнанья врядового каран были маеть. А естли бы на члонку котором охромен был, тогды то водле сего статуту сужоно маеть, яко о ннавезках описано ест. А в инших речах они водлуг привильев своих сужоны и захованы были мають, а сами жидове, гды в чом от кого обвинены будуть-от воевод, старост и державец наших и от инших станов, которые з них под чиею владзою будеть без позву, яко иншие подданые наши, тые, которые вольности шляхетское не вживають, сужоны и сказованы были мають водлуг прав и привильев, им наданых. А естли бы который жид або жидовка до веры християнское приступили, тогды кождая такая особа и потомство их за шляхтича почитаны были мають.